präsentiert:

 

Ab heit werd gfaßt
(Musik und Text.: Thomas Pielmeier)


Intro: Wo i hischaug sieg i
Das Ideal an Form
Lauter schlanke Körper
Vo de Fiaß bis zu de Ohrn
 
1.Strophe: I woaß net wanns as letzte Mal war
Daß mir a Madl nachpfiffa hot,
I bin scho ganz verschreckt, ja mei i bin hoit z’fett
Und des is mei ganze Plag.
2. Strophe: I hob zwar koane Faltn, aber d’ Haut de spannt mi gscheid
Und wenn i a wengerl geh
Dann bumpert glei mei Herzl, i kriag a rote Birn
Und den Blutdruck jagts in d’ Höh.

I kann essn was i wui,
I nimm einfach nix ab.
I trau mi scho nimmer auf d’ Waag naufsteign,
Weil i fürcht mi trifft der Schlag.
Refrain 1: Aber ab heit werd gfaßt, ab hei werd ghungert,
Ab heit gibts koan Pardon.
De fettn Jahr san etz vorbei,
Ab heit da greif i s’ oo.
3. Strophe: Als ersts zwäng i mi in mei engste Hosn nei,
Daß mi d Wampn aa recht druckt.
Na schreib i mir an Plan und kauf des ei
Wos ma bei so a Kur ois schluckt.

Anstatt am schweinern Schnitzellappen
Gibts jetz blos no Schlankheitshappen.
De Zwischenmahlzeit laß i aus
Weils ma vor so weng Essen eh blos graust.
Refrain 1: Aber ab heit werd gfaßt,....
4. Strophe: Weight watching, FDH, Computerdiät,
Müsli, Vitamin, Kartoffelkur,
Ois mach i mit und doch, feststeht:
As wichtigste is Aqua brutale pur.

Na renn i no zum Apotheker nei
Kauf a Schlankheissupperl, des an Magn zuapickt,
Tabletten, de an Hunger verteibn
Und a Pulverl, falls mi der Stuhlgang zwickt.
Refrain 1: Aber ab heit werd gfaßt,...
5.Strophe: Ja was is des, is des denn recht, daß i etz Sternderl seg
Und meine Knia ganz zittrig wern?
Mei Magn der knurrt mi oo, grod wia a ganz a wuids Viech;
Des kann doch nimmer gsund sei, do muaß ma se doch wehrn.

Mit letzter Kraft zum Kühlschrank.
I reiß des Türl auf.
Do sieg i ’s liegn mei Notfallkistl;
I schluck no moi, dann pack i ‘s aus.

Der Leberkaas, der lacht mi vielleicht oo.
Den mach i net lang warm, den friß i glei a so.
A Grä, a Senf, a Gurkerl und a Bierle ghörn dazua.
Mir wennst net gehst mit deiner Hungerei, du, i hob gnua!
Refrain 2: Ja heit werd prasst
Und weider neipresst
Heit gibts koan Pardon
Heit laß i d’Schwartn no gscheid kracha
Und morgn greif i‘s na oo.

Heit werd prasst ...