präsentiert:

aus der CD "Prost Reinheitsgebot!" (2015)

De Fliagn im Bier
(Text und Musik: Thomas Pielmeier)


1.Strophe: Oh, oh, oh na!
Was machst’n du da?
Wia kummst du da nei?
Ganz gwieß net vom Bräu,
Du grindigs Luada.
2.Strophe: Frisst mi da Neid,
Wia’s de so gfreit
Pudlnackert bis zum Hals
Bads ‘d in Wasser, Hopfn, Malz
De ganze Zeit.   Aber
Refrain:

Der Aufenthalt von Arthropoden
In meim Bier is streng verboten.
Vo da Hummel bis zur Laus:
Was da neifliagt, des fliagt, des fliagt glei naus!

3.Strophe:

Ohje, ohje!
Des is etz net schee,
Wia’s pumpt und strampelt, se vabiagt,
Vo meim Bier ihrn Sure kriagt,
Des kann net guat geh.
4.Strophe:

Speibt’s vielleicht nei
In mei Gebräu?
Den Bier-Freischwimmer
Schafft de heit nimmer
Des is vorbei.
Refrain:  Der Aufenthalt von...

 
Bridge:

Lass i’s etz da drinn verrrecken,
Oder sollt i’s dennast retten,.
Vielleicht sogar reanimiern
Vadrade Matz, saudumme Fliagn!

Oiso guad: Gnade vor Recht!
Mein Gott is dem Mistviech schlecht.
Vadraht Facetten, spült Trichienen,
Na hebt’s ab in Serpentinen
Refrain:  Der Aufenthalt von...

Der Aufenthalt von...
Was da neifliagt, des fliagt, des fliagt glei naus!