präsentiert: |
De Letzte Bestellung |
(Text und Musik: Thomas Pielmeier) |
1.Strophe: | Is denn unser kloans Lebn fia heit scho vobei, Fangt des vo moang scho wieda oo? Geh, des gibt’s doch ned, is denn wiackle scho so schpäd Und mia sitzn oiwa no do? |
2. Strophe: | Der Wirt da hintn in da Schwemm schaugd ma ned grad so her Als daad ea uns no ebbs gebn zum Überlebm. Aba du, du Wirtin, steh uns bei in unsrer Nod, Sonst is de Nacht unsa bittana Dod. De Stuhl stenga scho umdrahd auf de butzdn Disch Und mia kummds voa wia wenn a jeds Stuhlbua a Zeigefinga is Der se duach den Bodnnebe bis zua Deckn affestreckt Und schreid: „Hallo!“ |
Refrain: | Des is de
letzte Bestellung, des is da Anfang vom End. Aba fia a jeds End griagst an ganz an neia Anfang gschenkt. |
3. Strophe: | Geh etz sei hoid ned so
gsdarrig, gib deim Herz an Ruck, Füll unsere Griagl auf fia an allerletzdn Schluck. Drah dein goldnen Zapfhahn nomoi fia uns auf und zua Und na hammas und na packmas und na gemma aa a Rua. |
Refrain: | Des is de
letzte Bestellung,... Des is de letzte Bestellung,... |