präsentiert: |
Der Verzauberte Zapfhahn |
(Text und Musik: Christian Veith) |
1.Strophe: | Neilich war's, in da Friah, Na ja, um elfe, daß i net liag. I hob gwußt, es wird schee langsam Zeit, Daß i de Äugerl aufkriag. Der Badezimmerspiegel is mei größter Feind In so einer Situation. Wos i do seg schlogt jede Grausamkeit In der Unterhaltungstelevision. |
2.Strophe: | Auf oamal hör ich ein Gurgeln und ein Brodeln Wia aus am kaputten Schlauch. Des hört se oo wia da Heino beim Jodeln Und i denk, des is mei Bauch. Doch daß i Bauchredner waar, des hob i no net gwußt, Weil a fremde Stimme plärrt mir zua; Und auf oamoi merk i, wo des alles herkummt, Nämlich aus der Wascharmatur. |
Refrain: | Ich bin ein verzauberter Zapfhahn Küß mich und i bin wieder frei. Erlöse mich von meinem Fluch Und i bin dir ein Leben lang treu. I woaß, daß du mi braucha konnst, I woaß wos du jeden Abend treibst. Manchmoi kriag i 's hautnah mit Wennst b'sonders lang ausbleibst. |
3. Strophe: | Wos machst du, wenn da sowas passiert, Des glaubst doch zerst amoi net. Du denkst vielleicht, na ja, kannt sei, Daß irgendwo a Radio geht. I drah a weng an der Armatur, Zerst koid, dann hoaß, dann gmischt. I drah ganz schwach und dann ganz hoaß, So, daß des Wasser rauszischt. |
4. Strophe: | Dann hob i aa no alles untersuacht Und i denk des is a dummer Scherz. A Dreiviertelstund lang, gfunden hob i nix. I schaug auf ‘d Uhr, zwölfe werds. „Ah, Schmarrn“, sog i dann laut zu mir, „Du bist blos no net ganz do“ Und i wui de Sach scho vergessn Auf oamoi fangt's wieder oo. |
Refrain: | Ich bin ein verzauberter Zapfhahn... Manchmoi kriag i 's hautnah mit Wennst in s Waschbecken eineschpeibst. |
5. Strophe: | Wos soll i
sogn, i scham mi net, I hobs wirklich ausprobiert. Zerst hots an Schlog, dann an Schewerer do Aber es hot funktioniert. Des war de Gschicht von dem Wasserhahn Wers net glaubt is selber schuid Und wenn oaner moant, i daat liagn, Dem schick i gern a Buid. |
Refrain: | Des war der verzauberte Zapfhahhn Er is jetz wieder frei. I hob eam von seim Fluch erlöst Und er is mir wirklich treu. Er woaß daß i eam braucha ko, er woaß wos i jedn Abend treib. Und manchmoi kriagt er ‘s hautnah mit, Weil i jetz jedn Abend dahoambleib. |