präsentiert: |
Des Gibt's Ned |
(Text und Musik: Thomas Pielmeier) |
1.Strophe: | Entschuldigung, i hob was kaft Was laffa sollt und doch ned lafft. Nach Anleitung hob i ´s montiert Und stundenlang etz ausprobiert. Es kost mi Zeit und Bier und Rauch Und zudem meine Nerven auch. Es duad halt ned wia es doa soll. Etz honb i endlich d´Nasn voll. |
2. Strophe: | Laut Werbung is a Super-Sach Drum hob i glei mei Sparsau gschlacht Und sieg i hob gnua Geld dafür, I rumpelt nei zur Ladndür. Bei eich hat´s dann aa funktioniert Und i hob aa ois sche kapiert Bloß na dahoam, i hob´s scho g´sagt, Hat auf oamoi nix mehr klappt. |
Refrain: | Des gibt's
ned, na des kanns ned geb´n A sowas is no nia dagwen! Der Fehler liegt an ihr´m System. Weil gab´ses hätt ma´s scho moi g´seng. Des gibt's ned, na des kanns ned geb´n A sowas is no nia dagwen! Der Fehler liegt an ihr´m System Und desweg´n is des Ihr Problem. |
3. Strophe: | Oiso nomoi ganz von vorn Ganz ruhig, diaf durchgschnauft, ohne Zorn. Naa i hob echt nix bastlt dro, Weil i ja gar ned bastln ko. De Anleitung, ja Sie wern lachn Hob i glesn in neun Sprachn Und trotzdem haut des Glump ned hi Und wer is schuld etz, vielleicht i? |
Refrain: | Des
gibt's ned,... |
Bridge: | Ich tob und schimpfe, ich fleh auf Knien, Doch der Herr Verkäufer wills halt ned kapieren. |
4. Strophe | Er hat auf oamoi a Idee Da gibt´s was mit dem kannts na geh, Verkauft mir, sogar mit Rabatt, Den „Sorglos-Allround-Zusatz-Pack“. „Vielen Dank und na Viel Spaß“ „Aha“ denk i „also des wars“. Aloa dahoam mit dem Gerät: Etz woaßt scho wia´s etz weitergeht. |
5. Strophe | Entschuldigung, i hob was kaft Was laffa sollt und doch ned lafft. Nach Anleitung hob i ´s montiert Und stundenlang etz ausprobiert. Es kost mi Zeit und Bier und Rauch Und zudem meine Nerven auch. Es duad halt ned wia es doa soll. Etz honb i d´Nasn voll. |