w_txt_letztebestellung_dweltgehtunter

1.Strophe:	Es is heit scho an ganzn Dog so ein komischer Gruch in da Luft, Ganz verfault, nach Pech und Schwefel, ein unangenehmer Duft. Des Liacht schaut aa so zweielichtig aus, so irgendwo von ungefähr, Des is scho was Größers, samma moi ehrlich, wo bleibt nur de Feierwehr.
2.Strophe:	Auf oamoi merk i wos los is, bei weitem scho vui weniger Verkehr, Rings um mi rum foin d’ Leit tot um, do helft aa koa Löschzug mehr. Mitten am helliachten Nachmittag das Ende von Zeit und Raum, Aa wenn ma an sowas gar net glaubt, jetz miaß ma alle dro glaubn, weil:
Refrain:	D’ Welt geht unter, d’ Welt geht unter, Überoi zur gleichen Zeit, D’ Welt geht unter, d’ Welt geht unter, Koa Rettung weit und breit. D’ Welt geht unter, d’ Welt geht unter, D’ Reporter san aa scho vor Ort Da jüngste Dog, songs, der wird no moi a weng hart.
3. Strophe:	Meine Damen und Herren, sie sehen, live dabei in der ersten Reih, Das große Weltgeschehen, nach der Werbung folgt Teil zwei. Entschuldigens de leichte Störung im Ton und auch im Buid, Des san de sieben Plagen, de führn se auf wia wuid.
4. Strophe:	Es verschlingt die Apokalypse den Elefant und auch die Maus, Den Chef sowie die Tipse, koana kimmt eam aus. Genießen sie, solangs no geht jeden Augenblick Man kommt nämlich schon, des derf ma ruhig song,sehr bald auch auf sie zurück.
Refrain:	D’ Welt geht unter, d’ Welt geht unter, Überoi zur gleichen Zeit, D’ Welt geht unter, d’ Welt geht unter, Koa Rettung weit und breit. D’ Welt geht unter, d’ Welt geht unter, Nehmen s’ mich ruhig beim Wort Da jüngste Dog, songs, der wird no moi a weng hart. D’ Welt geht unter, d’ Welt geht unter, Überoi zur gleichen Zeit, D’ Welt geht unter, d’ Welt geht unter, Koa Rettung weit und breit. D’ Welt geht unter, d’ Welt geht unter, Alles antreten zum Rapport Da jüngste Dog, songs, der wird no moi a weng hart.