w_txt_letztebestellung_endlichgschafft

1.Strophe:	Finster wars und greislich koid, wia d'Hebamm eam erbarmungslos Zogn hot aus dem Mutterschoß. Des war vielleicht a Viecherei bis zum allerersten Schrei. Mei liabe Frau, war der zerst blau, doch nachert hot er’s denast no dapackt.
2. Strophe:	Er lernt fürs Lebn, doch s’ Lebn is hoat, Messer, Gabe, Scher und Licht Kriagt er ois schee staad in Griff. Er büffelt fleißig Dog für Dog, schreibt Schpicker, Exen, Schulaufgab. Er woaß, as Geld regiert de Welt. Beim ersten Lohn moant er, etz hod er's packt.
Refrain:	Endlich gschafft, mit aller Gwalt, mit aller Kraft. Endlich gschafft, er loant se zruck und schnauft tiaf durch. A weng a Rast daat etz so guat, Doch treibt eam d’ Angst, Also auf, auf, und na voll drauf, Es kannt ja sei, daß ‘d wos verpaßt.
3. Strophe:	Es keimt der Trieb, es wachst da Bart, er balzt se z'Tod bis oane kimmt Die eam so, wia er es nimmt. Er hoit, was er ihr verspricht; Dank Extraschicht Wohlstand in Sicht Und sie verspricht, daß zu eam hoit Jetz schaugts so aus, als hät er’s endlich packt.
Refrain:	Endlich gschafft, mit aller Gwalt, mit aller Kraft.....
Bridge:	Etz hat er fast ois wos er wollt A weng a Geld, a weng Erfolg A Haus mit Gartn, an BMW Etz werad's Lebn erst richtig schee.
Refrain:	Endlich gschafft, mit aller Gwalt, mit aller Kraft..... Endlich gschafft, er loant se zruck und schnauft tiaf durch, A kurzer Schmerz, na is er fuat Und na is aus, na is goa, Des is traurig aber woa, jetz hot er’s gschafft.