präsentiert:

aus der CD "Prost Reinheitsgebot!" (2015)

Geh Bua
(Musik und Text.: Christian Veith)


1.Strophe:

Geh Bua, geh schnell in Keller
Und hoi deim Vodan a Bier.
Geh ruhig a wenig schneller,
Dann bist boid wieder bei mir.

 
2.Strophe:

Bringst a zwoar a drei Flaschl
Und pass ma guat auf aaf da Stiang,
Nimmst des ganz feste Taschl,
Dann konn da nix owe fliang.
3. Strophe:

Und a Glasl kannst aa no glei bringa.
Des scheene, des guate vom Schrank,
Mog net aus da Flaschn tringa,
Do wird ma am End gor no krank
4. Strophe:

Jetz brauch i blos no an Siebzehner,
Oan, der wo bsonders guat geht,
Werst doch an Siebzehner kenna,
Werst wissen, wo ´s Werkzeig steht

 
5. Strophe:

Ja hoit, und no zwoa Bierdeckl
Für d´ Flaschn oan und oan fürs Glos,
Sonst schimpft d´Mutta aus ihrem Eckl,
I machat den ganzn Tisch noß.

 
6. Strophe:

Sog, konnst da des olles merka?
Machst gwiss koane Fehler net?
In da Schui waars ma net des Ärger,
Bei meim Durscht do geht des gor net.
Schluss:

Geh Bua, geh schnell in Keller
Und hoi deim Vodan a Bier.
Geh ruhig a wenig schneller,
Dann bist boid wieder bei mir.