Du kannst ma traun,
Du kannst ma‘s glauben,
Daß i früher ganz schee was wegbutzt hab. - koa Frag -
Bloß etz is vorbei.
Is schad, aber mei,
Weil vom Bauchspeichel d’Drüsn nimmer mag. - koa Frag -

Aber was i no dua
In aller Ruah
Daß i d’Bierfuizl alle zsamma trag. - koa Frag -
Und schaug i’s ma o.
Na bin i froh,
Daß i’s früher ganz sche kracha lassn hab. - koa Frag -

D’ Welt is halt doch bloß a Scheibn.
Rund oder eckert,
Nei oder dreckert.
D’ Welt is halt doch bloß a Scheibn. - koa Frag -

Bunt oder grau,
Mit Buidl, da schau
Wia oide Foto, de ma gsammelt hat. - koa Frag -
A boa san no do
A boa san davo
Wia oide Freind, de i ghabt hab. - koa Frag -

D' Welt is...

A Stricherl für’s Helle,
A Kreizerl für’s Weizerl,
Ogschriebn ham’s bei Nacht und beim Dog. - koa Frag -
A Telefonnummer
I ruaf’s manchmal o
Bloß hob i koan Anschluß, koana geht mehr dro.

 

D’Welt is halt doch bloß a Scheibn…..

D’Welt is halt doch bloß a Scheibn.
Rund oder eckert,
Nei oder dreckert.
Grau oder gscheckert.
D’Welt is halt doch bloß a Scheibn. - koa Frag -
D’Welt is halt doch bloß a Scheibn. - koa Frag -