präsentiert:

 

Na Guat

(Musik und Text.: Thomas Pielmeier / Christian Veith)


1.Strophe: Du schmeißt mi naus in aller Friah
Des versteh i net
De ganze Nacht war i bei dir
Und jetz machst a so a Gfret
Hots dir vielleicht net gfoin mit mir
War i zu dir net nett
I wollt sogar no Semmeln hoin
Fürs Frühstück im Bett

Refrain: Na guat,
Na geh i, wos steh i
Do überhaupts no rum 
I pack blos no mei Graffe zam 
Und drah mi nimmer um

2. Strophe: Draußd is koid, do werds me frian 
Aber dir is des wurscht
I hob no nix im Mogn
Und außerdem hob i an Durscht
Du sogst, es waar scho höchste Zeit,
Es daat scho recht pressiern
Und net amoi a Tass Kaffe
Kannt i mehr von dir kriagn.

Refrain: Na guat ...

Glaub ja net, daß i wiederkumm
Hoit mi net für so dumm.